👉የድርድር ወሬና የ“ወልቃይት” አወዛጋቢነት በኢትዮጵያ ፌዴራል መንግሥትና በህወሓት መካከል ድርድር ሊደረግ መሆኑን የሚጠቁሙ ሪፖርቶች እየወጡ ነው። ታንዛኒያ ውስጥ ሊካሄድ ታቅዷል” ስለተባለው ድርድር ሁለቱም ወገኖች ግን ማረጋገጫ አልሰጡም። በሌላ በኩል ደግሞ የአማራና የትግራይ ክልሎች መሪዎች በተለይ በአወዛጋቢው የወልቃይት ጉዳይ ላይ ሰፊ ልዩነት አንፀባርቀዋል። “’ወልቃይት’ ወይም ‘ምዕራብ ትግራይ’ ለድርድር አይቀርብም” ብለዋል የሁለቱም ባለሥልጣናት። 👉 ዝርዝሩን ከተያያዘው ፋይል ይከታተሉ። | VOA Amharic

▶️ለአቀረቡት ቅሬታ ምላሽ ያላገኙ ሠራተኞች “ጎዳና ላይ መውጣታችን ነው” ሲሉ አማረሩ የቀድሞ የደቡብ ብሔር ብሔረሰቦች እና ሕዝቦች ክልል መንግሥት ሠራተኞች፣ ወደተለያዩ አራት ዐዲስ ክልሎች የተመደቡበት አሠራር፣ በምርጫቸው ላይ የተመሠረተ ባለመኾኑ ያቀረቡት ቅሬታ ምላሽ ሳያገኝ አምስተኛ ሳምንት እንደተቆጠረ ተናገሩ። በሺሕዎች የሚቆጠሩት ሠራተኞቹ፣ ወደየምድብ ክልሎቻቸው ለመጓዝ ዝግጅት እንደሌላቸው ገልጸው፣ “ሌላ አማራጭ ስለሌለን ጎዳና ላይ መውጣታችን ነው፤” ሲሉ ምሬታቸውን ገልጸዋል፡፡ በጉዳዩ ላይ፣ የአሜሪካ ድምፅ የጠየቃቸው፣ የክልሎች ማደራጃ ፕሮጀክት ጽሕፈት ቤት ሓላፊ አቶ ኑሪዬ ሱሌ፣ የሠራተኞቹን ድልድል ያካሔደው፣ በፌዴራል መንግሥት ተወካይ የሚመራና ጽሕፈት ቤታቸውን ጨምሮ አራቱም ክልሎች በአባልነት የሚገኙበት የጋራ ኮሚቴ እንደኾነ ገልጸዋል፡፡ የሠራተኞቹ አቤቱታ፣ በቅሬታ

▶️፡ ትናንት ዳግም የተቀሰቀሰው የሰሜኑ ጦርነት ዛሬም ቀጥሎ ውሏል የፌዴራሉ መንግሥት ህወሓትን፣ ህወሓት ፌዴራሉ መንግሥትን የተኩስ አቁም ሥምምነቱን በማፍረስ እርስ በርስ የሚወነጃጀሉበት የሰሜኑ ጦርነት ዛሬም ለሁለተኛ ቀን ቀጥሎ መዋሉን የአካባቢዎቹ ኗሪዎች አስታወቁ፡፡ የአማራ ክልል ርዕሰ መስተዳድር ዶክተር ልቃል ከፍ አለ ዛሬ ባስተላለፉት መልእክት ህወሓት በሰሜን ወሎ በኩል ከፈተብን ያሉትን ወታደራዊ ጥቃት መከላከያ ሰራዊት፣ አማራ ልዩ ኃይልና ሚኒሻው በመመከት ላይ ነው ብለዋል፡፡ [ሙሉውን ዘገባ ከተያያዘው ፋይል ያገኛሉ] | VOA Amharic